Austfirsk orðabók

Það er við hæfi að skella upp austfirskri orðabók fyrir þá sem ætla sér austur á firði í sumar.

Norður - Upp
Suður - Niður
Austur - Út
Vestur - Inn
Norðaustur - Uppogút
Norðvestur - Uppoginn
Suðaustur - Niðurogút
Norðaustur - Niðuroginn
Ná um eitthvað - Að skilja eitthvað
Týnt upp - Finna eitthvað til
Lognið hlær svo dátt - Það er blankalogn
Lognið fer svo hratt - Það er rok
Dandalaveður - Gott veður
Að renna á könnuna - Að hella upp á kaffi
Þanneigin - Þannig
Skrítilegt - Skrítið

Ég bæti svo meira við eftir því sem ég man :)

Beibí eint í kreisí!

Já nú er allt að gerast. Karlinn náttúrulega löngu farinn með dótið og hundana og ég ein og yfirgefin fyrir austan. Ekki að mér leiðist að vera hérna þvert á móti. Nú er ég bara orðin svo spennt að byrja í nýju vinnunni að ég næ ekki að einbeita mér að neinu öðru. Þá er gott að hafa verið falin verkefni sem ekki þarfnast heila t.d. eins og að troða ca. 500 álagningarseðlum og 500 greiðsluseðlum í umslög auk þess að troða um 400 launamiðum sömu leið. Ég er búin að hanna sérstaka tækni sem felur í sér lipra fingur og reglustriku með rauðum hjörtum. Hvernig ég beiti þessum verkfærum læt ég náttúrulega ekki uppi enda stefni ég á heimsmeistaratitil í seðlabroti og umslagatroðslu.

Ég er orðin hálf rugluð af spenningi yfir þessu öllu saman. Kannski hlakka ég bara svona rosalega mikið til að hitta Hadda, ég er nefnilega skotin í honum þið skiljið :D.

Kveðja
Hrafnhildur

Ok eitt í viðbót svo er ég hætt!!!

Viltu taka þátt?
1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

Skellum einum svona bloggleik inn í viðbót..þeir eru svo skemmtilegir :)

7 hlutir sem ég get:
1. Pikkað á tölvu
2. Sungið
3. Tekið fallegar myndir á nýju myndavélina mína
4. Heklað
5. Neglt (like a moðerfokker)
6. Grátið yfir sjónvarpinu
7. Kúrað hjá og kelað við manninn minn
... og margt fleira

7 hlutir sem ég get ekki:
1. Komist í buxur nr 32
2. Lengt á mér lappirnar
3. Látið eins og hlutir komi mér ekki við ;)
4. Verið aðgerðalaus í meira en 5 mínútur
5. Átt lengi heima á sama stað
6. Kosið Sjálfstæðisflokkinn
7. Fengið standpínu
... og svo margt margt fleira

7 atriði sem ég segi oft:
1. Eða....
2. Jaaaaaaaaaaá
3. Blæ
4. Elskan
5. Kaffi
6. Austurbyggð góðan dag Hrafnhildur
7. Nei

7 gallar í fari mínu sem ég á erfitt með að forðast:
1. Stress
2. Óþolinmæði
3. Dómharka
4. Að syngja með
5. Að bora í nefið
6. Að borða ekki súkkulaði
7. Samviskubit

7 karlar sem mér hafa fundist fallegir:oh, þessi er erfiður ....
1. Haraldur Birgir Þorkelsson
2. Garðar Thor Cortes
3. Garðar Thor Cortes
4. Garðar Thor Cortes
5. Dr. John Carter
6. Dr. Luka Covac
7. Garðar Thor Cortes

7 hljómsveitir/listamenn sem ég hlusta á og einkenna mig sem manneskju:
1. Led Zeppelin
2. Guns N´ Roses
3. Eva Cassidy
4. Nora Jones
5. Sálin hans Jóns míns
6. Aretha Franklin
7. George Michael

7 hlutir sem ég ætla að gera áður en ég dey:
1. Fara í brúðkaupsferðina mína :)
2. Eignast börn og barnabörn
3. Vera lengur í sömu vinnunni en ár
4. Kaupa mér almennilegan bíl
5. Gefa út plötu
6. Læra að temja hest
7. Ná 65 kg.....ok 70.....ok 75 ;)

Rakst á þennan skemmtilega bloggleik hjá góðri konu. Hann felst í því að þið skrifið nafnið ykkar í kommentin hér að neðan og ég svara svo spurningunum með viðkomandi í huga. Svona kommentið nú ef þið þorið :D!! Einn tveir og GO!

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4. Ég segi þér eitthvað sem meikar bara sens fyrir mig og þig
5. Ég segi þér fyrstu ljósu minninguna mína af þér
6. Ég segi þér á hvaða dýr þú minnir mig á
7. Ég spyr þig að einhverju sem ég hef velt lengi fyrir mér um þig
8. Ef þú lest þetta þá verðuru að setja þetta á bloggið þitt

Pakkedí pakk!

Haddi hætti í vinnunni síðasta föstudag og hófst handa við að pakka í gær. Við sjáum núna hvað við erum orðin góð og skipulögð í að pakka, enda komin með heimsklassareynslu á því sviði :)

Um síðustu helgi fórum við á hjónaball, sem er einhverskonar sambland af galakvöldi og þorrablóti hér á Fáskrúðsfirði. Þar borðuðum við æðislegan mat og horfðum á heimatilbúin skemmtiatriði, þar sem leitast var við að gera grín að sem flestum bæjarbúum, eins og góðra landsbyggðarmanna er siður. Yours trúlí slapp náttúrulega ekki með skrekkinn heldur fékk ágætis skerft af skotum, þar á meðal upphafsatriði skemmtiatriðana þar sem ég var sýnd útbýta drykkjum og garga hallelúja að liðinu :) Ég skemmti mér alveg rosalega vel á ballinu og dansaði sem óð væri við fullt af skemmtilegum konum og mönnum.

Í einum dansinum var ég að dansa polka við ráðsetta frú úr plássinu. Tók allt í einu eftir því að pilsið mitt var eitthvað skrítið! Leit niður og sá að ég var að missa það niður um mig...strengurinn var kominn niður fyrir rass!!! :) DULLLEG..að snappa sér virðingu á Austfjörðum - mér leið eins og Bridget Jones. Hysjaði upp um mig pilsið og hélt áfram að geisla af kynþokka í dillandi polka.

Seinna um kvöldið fékk ég komment frá einum karlkyns ballgesti um að það sæist svolítið mikið í skoruna hjá mér (brjóstaskoruna) en hann fílaði það í botn sagði hann. Svo hvíslaði hann að mér að ef ég lenti í vandræðum með karlmenn gæti ég alltaf hringt í hann, og gaf mér svo gemsanúmerið sitt að lokum. JÁ þið heyrið rétt!!! Kerlingin er argandi sexý og á eftir að skilja Austfirði eftir í flakandi sárum :)

Læt hér fylgja mynd af mér á ballinu með skoru og allt :D!

DV - undirskriftir

Eru ekki örugglega allir búnir að skrifa undir??????

Fínustu jól!

Jæja þá er áthátíðin búin og kílóin orðin allavega þremur fleiri en þau voru í síðustu viku ;) EN! Þá tekur bara við brjáluð heilsurækt, byrjar reyndar ekki vel þar sem boðið var upp á konfekt í kaffitímanum í vinnunni...en lengi lærir sem lifir, eða lengjast lærin sem lífið eins og gamla konan sagði :) Ég hef reyndar ekki tekið eftir að lærin á mér lengist neitt sérstaklega lengur, nema þá kannski á þverveginn!

Við vorum hjá tengdó á aðfangadag og brunuðum svo norður á annan í jólum. Þar sátum við sko ekki auðum höndum þar sem ég gerðist byggingaverkamaður í 2 daga. Það komst ég að því að ég hefði vel getað hugsað mér að verða smiður, það var allavega rosalega gaman að endurnýja kynnin við hamarinn þó svo að gleðinni hafi fylgt blöðrur og verkir í vöðvum sem að löngu voru týndir. Við náðum allavega að klára útveggi í nýju svefnálmunni og reisa veggina. Svo verður bara haldið áfram þegar að við komum norður.

Það lítur út fyrir að við fáum húsnæði á Laugarbakka til að byrja með. Það er svosem ágætt en það væri að mörgu leiti þægilegra fyrir okkur að vera á HVammstanga þar sem að við vinnum á sitthvorum staðnum og eigum bara einn bíl.

Ég vona að allir hafi fengið jólakortin sín (nema Svenni og Ragna en ég fór svo úr jafnvægi við að hitta ykkur ekki að jólakortin gleymdust í veskinu) Ég sendi þau bara í vikunni.