Afmæli hjá múttu!

Á laugardaginn hélt mamma upp á fimmtugsafmælið sitt með pompi og prakt í Víðihlíð. Það mættu um 130 gestir á svæðið og gæddu sér á dýrindismat og veislan tókst rosalega vel. Sveitungar og ættingjar reiddu fram hvert skemmtiatriðið á fætur öðru sem snérust öll meira og minna um að gera grín að mömmu gömlu (og pabba auðvitað líka í leiðinni). Við systkynin suðum saman leikrit í 5 þáttum sem fékk nafnið "Dæli Sigrún" og gerði stormandi lukku. Við hlógum sjálf svo mikið að við ætluðum varla að komast í gegnum æfingarnar, en sýningin gekk ágætlega þrátt fyrir skamman æfingatíma. Sveitungarnir settu líka upp mjög skemmtilegan leikþátt um gömlu hjónin og tilhugalífið þeirra. Í þessu stórkostlegu leikverk þurfti náttúrulega búninga og því höfðum við systkynin stolist öðru hvoru í fataskápinn hjá gömlu hjónunum, stolið þaðan einni og einni flík án þess að mikið bæri á og keyrt með þær á næstu bæi. Veislan var í einu orði sagt FRÁBÆR og ég held að mammsa gamla hafi skemmt sér alveg konunglega. Læt hér fylgja nokkrar myndir :) Þar má m.a. sjá þegar að ég afhendi henni sérsaumaða svuntu með innbyggðum typpaupptakara!

Nýir fjölskyldumeðlimir - fyrstu myndir














Hér eru myndir af nýjustu fjölskyldumeðlimunum. Þau braggast öll vel og móður heilsast ágætlega. Hún er nú samt orðin frekar þreytt á látunum og heimtufrekjunni í þessum krílum og horfir stundum á mig ásökunaraugum ;-). Ég get náttúrulega bara ekkert að því gert þó að dóttir mín sé lauslát!!! Pabbi hennar ól hana upp!! :) :) :)

Erfið nótt!

Já þetta var erfið nótt hjá okkur mæðgum þar sem hin ferfætta dóttir mín fékk sóttina um kl. 5 í gær. Fyrsti hvolpurinn kom í heiminn um hálf eittleytið í nótt og sá fimmti og síðasti rétt fyrir klukkan fimm í morgun. Aumingja Åsa mín átti alveg hræðilega bágt og rak upp skaðræðisvein ef ég stóð upp frá henni. Ég var hjá henni til kl. rúmlega hálf fjögur en þá var hvolpur nr. 4 nýkominn út. Ég vaknaði aftur rétt fyrir 5 og þá var sá fimmti nýkominn. Einn hvolpur er alveg eins og ljósrit af Åsu en hinir fjórir eru svartir með hvíta bringu, sokka og/eða kraga. Þeir eru alveg ofboðslega fallegir, og algjörir ýlustampar :) Við ætlum að halda einum sjálf og erum líklegast búin að gefa tvo svo að við erum hæfilega bjartsýn um að þetta takist allt saman án þess að neinn þurfi að deyja.

Í dag erum við svo að fara norður til mömmu og pabba að halda upp á fimmtugsafmælið hennar mömmu eb Hafdís langbesta frænka ætlar að taka að sér móðurina ungu á meðan. það verður fjör að keyra norður þar sem ég er eiginlega ósofin og Haddi nýkominn af næturvakt í bræðslunni :)

Ég set inn myndir af hvolpunum þegar að ég kem heim aftur. Þið spyrjist kannski fyrir í kringum ykkur um hvort einhvern vanti hvolp.

Over and out
Hrabbý amma

Jæja já...nú veit ég bara ekkert hvað ég á að segja! Jú vantar ykkur hvolp? Ef svo er þá er hún Åsa mín að fara að gjóta á næstu 2 vikum, þið gætuð því fengið hvolpinn um eða eftir áramót :) Ég ábyrgist að þeir verða rosalega fallegir og náttúrulega prúðir og stilltir eins og mamma þeirra. Ef einhver vill hvolp þarf ég að fá að vita það sem fyrst því annars fá þeir ekki að lifa lengur en í gotinu sjálfu. PLÍS takið hvolp því mér er farið að óa við að þurfa að lóga þeim sjálf...þið gerið mér það ekki er það nokkuð elskurnar??

Þetta er svona helsta áhyggjuefni tilverunnar þessa vikuna. Hitt eru JÓLIN! Ef þið hafið ekki veitt því athygli þá eru ENGIN jól í ár. Aðfangadagur er á laugardegi svo að það er bara EINN frídagur sem ég fæ yfir jólin þ.e. annar í jólum. Þar sem við verðum hjá tengdó á jólunum sé ég ekki fram á að komast neitt í Dæli um jólin og mér líður ALVEG HRÆÐILEGA í heimasýkihjartanu mínu yfir því. Úff...hvað ég á bágt.

Læt eina mynd af mér fylgja með fyrir þá sem eru farnir að sakna mín og mikið :)

Stóðréttir in a krein

Jæja þá er stóðréttahelgin mikla liðin. Líkt og venjulega var fullt hús af gestum í Dæli og brjálað að gera við að sörvera mat og drykk ofaní í síþyrsta og svanga útlenska hestamenn. Líkt og venjulega var riðið á móti stóðinu á föstudeginum í ógeðslegu veðri, kuldaslyddu og næðingi. Fólkið virtist þó skemmta sér ágætlega þó flestir væru orðnir kaldir í gegn. Að þessu sinni fór ég ekki ríðandi (sem betur fer) heldur var heima og bakaði pönnukökur. Á laugardeginum var svo réttin sjálf. Ég var að sjálfsögðu mætt kl. 10:00 til að heimta Dælishrossin. Eins og venjulega voru þau fyrstu hross inn í almenningin og lötruðu flest bein að dilknum okkar og biðu eftir að við opnuðum fyrir þeim. Í hópnum voru 5 hryssur, þar af 4 með folald, og 6 trippi. Folöldin eru óvenju flott í ár, bæði að burðum og lit. Þetta eru semsagt 4 litlar merar, ein rauð, ein móálótt blesótt, ein bleikálótt stjörnótt og ein jarpstjörnótt. Gæðingarnir okkar Hadda voru að sjálfsögðu í hópnum og báru náttúrulega af öðrum hrossum ;-). Réttardagurinn leið eins og þeir hafa flestir gert og hrossin voru rekin heim um kl. 16:00. Um kvöldið skellti ég mér svo á réttarball í Víðihlíð. Á ballinu var svakleg stemmning og húsið gjörsamlega troðfullt af hoppandi, stappandi og syngjandi fólki sem var algjörlega að ærast af gleði. Þvílík stappa maður! Ég sat nánast allan tímann bara og spjallaði við fólk það var óðs manns æði að ætla sér að ferðast eitthvað um þarna, hvað þá dansa! Það var nú samt ágætlega gaman engu að síður og ég hélt þetta út til enda :) Á sunnudeginum brunuðum við svo austur aftur, þessa hátt í 600 km.

Farið svo að kommenta hjá mér illgresin ykkar! Eru allir hættir að lesa þetta eða hvað???? Ég klukka líka Svenna! Klukk klukk klukk you´re it!