Norah Jones beibí!

Ég er að fara á Norah Jones tónleika á sunnudagskvöldið. Hlakka alveg svakalega til. Svo tekur við fundalota í Keflavík fram á fimmtudag, það verður ágætt að hlaða batteríin aðeins á undan.

Nú er ég komin á 28. viku og meðgangan hefur gengið bara ljómandi vel. Engar alvarlegar aukaverkanir ennþá. Bakið og grindin eitthvað að gera mér lífið leitt en það er nú bara partur af prógraminu. Það er samt hálf óhugnanlegt hvað það styttist í krílið. Var síðast að hugsa í gær hvort að ég væri tilbúin til að verða mamma :) hahahhahah ..hemmm.

Það er búið að steypa uppistöðurnar á húsinu okkar! JEI!!! Nú á bara eftir að steypa plötuna, það verður vonandi gert fyrir stóðréttir. Stefnan er að flytja inn í vor, reynum ekki að gera okkur vonir fyrr, enda engin ástæða til að stressa sig úr hófi með þetta allt saman.

Að lokum þá urðum við að taka mynd af þessum snilldarbíl sem var á hlaðinu í Dæli um daginn. Á hurðinni stendur "The Russian Hummer". Í ljós kom að þetta er bílaleigubíll sem saklausir túristar leigðu til hringferðar um landið....ahhahahahhah :) góð kaup það.

Jellú! :)

Ég er komin aftur a.k.a. Bumbulína Mulinex mætt á svæðið. Við Haddi erum búin að finna lífsfyllinguna...Eldsmiðjupizzur. Við fórum í frí suður í 4 daga í síðustu viku og urðum ástfangin. Já! Hlutirnir eru sko ekki lengi að gerast hjá fólki með stórt hjarta.

Við Sandra gæsuðum Margréti vinkonu á fimmtudaginn. Buðum henni fyrst í meðgöngunudd, klæddum hana svo upp í aaaaaaaagaleg fínt dress og fórum með hana á kaffihús. Til þess að gera ekki útaf við hana fengum við efstu hæðinu á Barnum - fyrrum 22 - alveg fyrir okkur. Þar var stelpan vopnuð smokkum og sleipiefni sem hún átti síðan að dreifa (kasólétt), en það gekk nú eitthvað illa að koma þeim út :). Af kaffihúsinu tókum við rúnt um bæinn og fórum svo á Madonnu að borða ... mmmmm. Þar vakti Margrét óskipta athygli, einna helst fyrir það að hún var að líða út af vegna hita og leit út fyrir að vera með flatlús í hárkollunni (hún klóraði sér svo mikið).

Brúðkaupið var svo á laugardaginn. Þar var Mrs. B. Mulinex veislustjóri og stjórnaði lýðnum með harðri hendi. Gaman að hafa svona vald yfir fólki. Ég lét náttúrulega alla rífa sig úr og dansa kan kan allsbera. Lét ótrúlega vel að stjórn þessi hópur :)