Elsku Keli tengdapabbi lést laugardaginn 24. júní síðastliðinn.

Drottinn er minn hirðir,
mig mun ekkert bresta.
Á grænum grundum lætur hann mig hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um réttan veg
fyrir sakir nafns síns.
Jafnvel þótt ég fari um dimman dal,
óttast ég ekkert illt því þú ert hjá mér.

Sproti þinn og stafur huggar mig.
Þú býrð mér borð
frammi fyrir fjendum mínum,
þú smyrð höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi drottins bý ég langa ævi.
Drottinn er minn hirðir,
mig mun ekkert bresta.

(23. Davíðssálmur/Margrét Scheving)


Hvíldu í friði elsku Keli minn, ég mun alltaf geyma minningu um þig í hjarta mínu, minningu um bros og hlátur.

Þín Hrafnhildur

Og dagurinn nálgast!

Jæja nú nálgast dómsdagur óðfluga þar sem Selasetrið verður opnað þann 25. júní. Ég er farin að verða formlega svolítið stressuð, en ég held nú samt að þetta náist allt (7,9, 13).

Það er búið að vera óheyrilega mikið að gera undanfarna daga og vikur. Mamma lenti inn á spítala í síðustu viku en er nú sem betur fer komin heim aftur. Hún á að hvíla sig, en þeir sem þekkja mömmu vita að það er erfiðara að fá hana til að stoppa, en að teika hval.

Vilmar og Anna og kúlan eru í Dæli núna í viku, en Vilmar er að taka sveinsprófið á Sauðárkróki.Það er rosalega gaman að sjá þau og verður ferlegt að hafa litla barnið svona langt í burtu frá okkur öllum. Þau mega alveg búast við reglulegri innrás af Íslandsmiðum :)

Í lokin ætla ég að óska Svenna mínum og Wendy innilega til hamingju með litlu snúlluna sem fæddist þann 1. júní í Skotlandi. Ég vona að ég geti séð hana áður en hún fermist ;)