Mig hefur alltaf dreymt um að verða búðingur!
Hún Lísa samstarfskona mín var að segja mér að þeir sem byggju á Búðum (kauptúnið á Fáskrúðsfirði) væru að sjálfsögðu kallaðir Búðingar! Mér hefur alltaf þótt búðingur einstaklega góður svo að ég er alls ekki ósátt við að vera kölluð Búðingur :) Eins og Lísa segir er búðingur laaangbestur með rjóma svo að ég hlýt að vera nokkuð góð bara ;-).
Nú eru mamma og pabbi að brjótast eftir reiðslóðunum (eins og pabbi kallar vegina austur) til okkar hjónaleysanna í heimsókn. Auðvitað versnaði veðrið um leið og þau tilkynntu komu sína. Búið að vera ekkert nema sól og rjómablíða í 2 vikur, svo koma Norðlendingar og veðrið veit ekkert hvernig það á að haga sér. Á þessari einu mínútu sem það tekur mig að fara í vinnuna (30 sek kannski meira) fékk ég þoku, sól, snjókomu, vind, logn og smá hríðargarg. Ég held að veðrið sé í norðlensku kúltúrsjokki :) Mér finnst bara verst ef þau fá ekki að sjá okkur Búðingana í réttu sólarljósi! Ég var búin að plana að fara með þau á rúntinn og sýna þeim svona það helsta...ég vona bara að veðrið lagist á morgun.

Búðingur OUT!